影片
更多
2018-05-24
122 瀏覽
作為新界居民，其實真係好少會過港島一家人食晚飯。因為屋企人生日，想搵間食中菜又可以舒服d嘅餐廳，總係會覺得餐廳位置越高就越高級，所以搵搵下就搵到黎利舞臺呢間樂天皇朝樂天皇朝係連鎖店，應該唔差選擇銅鑼灣，純粹因爲覺得過海食飯特別d，當然睇過食評性價比都高啦！.門口望入去，黑漆漆咁好好氣氛馬上就有員工安排我地入座，踏入門口大家仲大聲講「歡迎光臨樂天皇朝」好親切！.前菜小食不得不提！栗子花生 $15個汁用返炆栗子個汁，花生浸到好淋，甜甜地嘅味道，我會形容佢係糖漬栗子咁！未食過d咁好食既前菜.李白醉雞 $78+$10要雞肶位我地+$10要求轉雞肶睇上去已經覺得好滑咁，食落酒味唔算重，肉質滑到好似BB肌，睇到醬油咁既顏色，不過絕對唔咸，食得出雞既鮮味，唔洗遮掩位量絕對超值！.芝麻醬油麥菜 $58呢個唔講唔知係油麥菜，中間捲上左青瓜，成個捲既感覺生生地，菜好清爽香脆，食落「閘閘」聲，仲要無油麥菜既苦味，真係第一次咁食！芝麻醬比坊間買到既更香濃更杰身容易依附係菜上面。呢個涼菜其實比其他菜式更講要求，因為菜必須經過挑選再洗淨，先可以用咁既方式呈現比食客，仲要如此香脆，大讚！.上海風味醬鴨 $48好特別
樂天皇朝係連鎖店，應該唔差選擇銅鑼灣，純粹因爲覺得過海食飯特別d，當然睇過食評性價比都高啦！
.
門口望入去，黑漆漆咁好好氣氛
馬上就有員工安排我地入座，踏入門口大家仲大聲講「歡迎光臨樂天皇朝」好親切！.
前菜小食不得不提！栗子花生 $15
個汁用返炆栗子個汁，花生浸到好淋，甜甜地嘅味道，我會形容佢係糖漬栗子咁！未食過d咁好食既前菜
.
李白醉雞 $78+$10要雞肶位
我地+$10要求轉雞肶睇上去已經覺得好滑咁，食落酒味唔算重，肉質滑到好似BB肌，睇到醬油咁既顏色，不過絕對唔咸，食得出雞既鮮味，唔洗遮掩位量絕對超值！
.
芝麻醬油麥菜 $58
呢個唔講唔知係油麥菜，中間捲上左青瓜，成個捲既感覺生生地，菜好清爽香脆，食落「閘閘」聲，仲要無油麥菜既苦味，真係第一次咁食！
芝麻醬比坊間買到既更香濃
更杰身容易依附係菜上面。呢個涼菜其實比其他菜式更講要求，因為菜必須經過挑選再洗淨，先可以用咁既方式呈現比食客，仲要如此香脆，大讚！
.
上海風味醬鴨 $48
好特別既一道菜，平日好少食到咁既味道既鴨。肉質比較厚實唔係腍個種，不過肉唔乾，好似搵香料煙薰左佢好耐咁，特別上色。可能烹調技巧太出色，令脂肪含量唔覺好多，唔會覺得好油好肥。以呢個價錢，相當抵食！
.
松子桂魚 $238
橙色既外形一早奪取我既歡心好鍾意食呢d酸酸甜甜既汁勁量雜果下係厚實多肉既桂魚肉，桂魚經油炸，做到外皮脆卜卜，同時肉質又keep到滑嘟嘟個酸甜汁好開胃，唔會勁酸，唔配飯都易入口，配飯就更好食肯定可以食多幾碗！
.
蟹粉炒飯 $128
就咁睇相，好富麗堂皇，皇室貴族享用咁樣！金黃色既汁包含蟹粉，覆蓋住下面係炒得粒粒分明既炒飯
唔會太過濕，唔會食落一pat pat
.
宮廷驢打滾 $38
對於糯米粉做既甜品，我真係抵抗唔到！食驢打滾既時候，唔知點解幻想到自己係「那年花開月正圓」既格格，呢個點心確實有d似宮廷裏面既點心糯米糰包住豆沙蓉，面頭沈上黃豆粉。呢個點心唔太甜，仲煙煙韌韌，超級喜歡
.
呢餐飯最後唔洗$700埋單，性價比極高，我仲發現左下午茶時間黎，全單6折，咁就抵上加抵
係呢到，環境同食物都會令人覺得置身宮廷而唔係銅鑼灣店員服務態度超好，見我地迷惘緊食咩，都會走黎介紹；食物質素更加唔洗講，係水準之作，而且唔貴！真心推介比想一家人慶祝紀念日，或者大堆人飯局！
張貼
