門口仲有一個巨型面像裝飾😲，好適合打卡📸！餐廳位於尖東海濱附近🌊，鄰近維港景致🏙️，仲有戶外露天座位☀️，可以一邊嘆美食一邊欣賞靚景🌅，氣氛一流！
餐廳環境佈置充滿印度宮廷特色🕌，現代化嘅裝潢加上 LED 燈牆隨住強勁音樂節拍閃爍💡，營造出高貴典雅又充滿活力嘅用餐氛圍🎶。
一坐低店員會先奉上餐前🫓脆餅Papadum，薄如紙咁香脆，會配上🌱薄荷青醬同羅望子酸甜醬，🤤清新又醒胃。
首先嚟到前菜💫，Masala Papad 印度馬薩拉薄餅絕對係開胃之選！🫓香脆嘅炸薄餅配上滿滿新鮮洋蔥同番茄🍅，中辣程度啱啱好，酸酸甜甜又帶點辣味🌶️，一啖咬落去口感豐富，好開胃又爽脆😋！
Lucknowi Lamb Tunde ke Kebab 印度皇家風味羊肉串🍖係源自蒙兀兒帝國年代嘅招牌菜！呢款羊肉餅入口即溶，肉質嫩滑多汁😍，香料味濃郁馥郁🌿，完全冇羊羶味🐐，每一啖都充滿層次感✨！
Old Delhi 24K Butter Chicken 24K金牛油咖喱雞🐔更加係必試之選💛！無骨雞肉浸喺香滑濃郁嘅番茄咖喱醬汁入面🍛，店員會喺上枱時即場淋上金色牛油🧈，令成個醬汁更加幼滑香濃🤤，甜中帶少少辣味🔥，配埋烤餅一齊食簡直係完美配搭👌！金箔點綴令個賣相更加華麗高貴✨，食落更有皇家風範👑！
Garlic Naan 蒜香烤餅🫓係用特製嘅泥爐烘烤🔥，餅身鬆軟充滿蒜蓉香氣🧄，外層略帶金黃色🌟，用嚟蘸咖喱醬汁食就最正👍，每一啖都帶住暖笠笠嘅餅香🥰！
最後唔少得甜品收尾🍰，Sizzling Brownie 鐵板朱古力布朗尼🧁放喺熱騰騰嘅鐵板上端上枱，仲會即場🔥點火，儀式感十足啱曬打卡！配上雪糕🍨形成冷熱對比❄️，布朗尼香濃軟糯🍫，配上雪糕清爽嘅口感🍦，令成個甜品更加豐富有層次😍！
Tagline 嘅每一道菜都充滿驚喜💫，由前菜到甜品都精心製作💪，絕對係尖沙咀區品嚐正宗印度菜嘅好選擇👏！
