影片
更多
2024-08-30
525 瀏覽
今晚陪人去皇室堡買完嘢，見到間餐廳，又羅馬柱又噴泉又剩，好似好靚咁，就走咗入去…“ROYAL INN”好似頭先咁講，餐廳嘅裝修典雅，入到嚟好似做咗皇室嘅一份子咁，可能因為咁附近嘅人食嘢都好靜，咁係坐得幾舒服嘅。我哋都唔餓，唔係叫咗好多嘢食。法式芝士焗洋蔥湯 $88 - 呢個通常係正統法國菜先有嘅菜式，我一見到就話要叫嚟試。首先佢係相當夠熱，芝士同酥皮嘅味道均衡，洋蔥湯鮮甜濃厚，帶有好濃嘅牛肉味。特別要講洋蔥，因為我係唔食洋蔥嘅😂，但佢係鮮甜到我可以食晒。招牌威靈頓羊架 $328 - 同樣道理見到呢啲咁難整嘅菜式，我就即刻想要嚟試吓。威靈頓牛已經夠勁，仲要係羊架。威靈頓最重要就係肉類嘅成熟控制，其次就係蘑菇泥同酥皮。以上嘅條件今次亦做得唔錯，特別係蘑菇泥係幾濃味，我幾欣賞。自家製藍莓醬士多啤梨班戟 $88 - 有一個法式料理。我會着重試佢所謂嘅自家製藍莓醬。佢係做得好濃厚，藍莓味嘅酸度相當高，可以中和返水果同其他嘅甜味。Crepe本身就正常，但配搭起唔同嘅水果同藍莓醬。感覺都幾清新。Green Tea Latte $46 - 呢個抹茶latte嘅水準，個人認為相當高。除咗夠熱之外，佢用嘅
“ROYAL INN”
好似頭先咁講，餐廳嘅裝修典雅，入到嚟好似做咗皇室嘅一份子咁，可能因為咁附近嘅人食嘢都好靜，咁係坐得幾舒服嘅。我哋都唔餓，唔係叫咗好多嘢食。
法式芝士焗洋蔥湯 $88 - 呢個通常係正統法國菜先有嘅菜式，我一見到就話要叫嚟試。首先佢係相當夠熱，芝士同酥皮嘅味道均衡，洋蔥湯鮮甜濃厚，帶有好濃嘅牛肉味。特別要講洋蔥，因為我係唔食洋蔥嘅😂，但佢係鮮甜到我可以食晒。
招牌威靈頓羊架 $328 - 同樣道理見到呢啲咁難整嘅菜式，我就即刻想要嚟試吓。威靈頓牛已經夠勁，仲要係羊架。威靈頓最重要就係肉類嘅成熟控制，其次就係蘑菇泥同酥皮。以上嘅條件今次亦做得唔錯，特別係蘑菇泥係幾濃味，我幾欣賞。
自家製藍莓醬士多啤梨班戟 $88 - 有一個法式料理。我會着重試佢所謂嘅自家製藍莓醬。佢係做得好濃厚，藍莓味嘅酸度相當高，可以中和返水果同其他嘅甜味。Crepe本身就正常，但配搭起唔同嘅水果同藍莓醬。感覺都幾清新。
Green Tea Latte $46 - 呢個抹茶latte嘅水準，個人認為相當高。除咗夠熱之外，佢用嘅抹茶粉回甘力好大，個人好鍾意呢種感覺。因為咁，佢落咗糖去稍為中和個甘甘地嘅味道，如果唔鍾意甜嘅，可能要同侍應講聲。
睇裝修、環境、菜式，ROYAL INN嘅定位明顯比普通Cafe高規格。有時想優雅啲食個正式西餐，呢度係幾好嘅選擇。
張貼
