吉祥冰室 (已結業)

皇上如意吉祥呀 呢間位於朗屏站附近嘅吉祥冰室裝修好特別其中一部分係中國特色 例如 櫈同埋調味料架 都係非常中國風 不過牆身設計同檯 燈等等 都係用咗復古嘅歐陸風 成個配搭好得意晚餐時間嚟到都幾多人食呀 好在唔使等位叫咗三個小菜啫啫通菜煲 原鍋砂鍋咋咋聲 非常有鑊氣 上面好多冬菇絲 肉碎 蝦米等等 超級惹味 通菜索曬醬汁嘅味道黃金鮮魷 鮮魷外皮炸得超級香脆 用咗鹹蛋黃醬 鹹香惹味 同時夾埋爽口嘅新鮮鮮魷超夾招牌菜千層脆皮蝦球 蝦球粒粒都好大隻肉質爽口彈牙夠曬新鮮 外面包上超惹味嘅千島醬 大人細路都啱食