一幻拉麵 (已結業)

拉麵點先算正宗？其實我實係唔識分，我分到嘅只有種類，鹽味、味噌、醬油、豚骨、沾麵同近年越來越多嘅蝦拉麵。麵種有分黃色曲身嘅麵條同直身白拉麵，傳說曲身麵條可以掛更多嘅湯汁，但係香港十間拉麵九間都係白色拉麵嘅情況下，事實講你聽，香港人係更受落可以食到^𠽌𠽌^聲嘅爽快口感～今次同朋友黎試呢間，係因為佢住果頭，游完水又唔想食太多，不如見冇乜人，就食下呢間拉麵啦！話哂日本過江龍，感覺上有嘀保証嘛！當然要試下佢出名嘅蝦拉麵啦！我太鐘意食溏心蛋，佢有半隻，我自己都忍唔到加多隻，緊係飲啖湯先啦！噫？好香蝦味喎！佢有將嘀蝦，紅薑打碎嘅脆脆麵酥，加上大量青蔥，濃濃嘅蝦味真係令人食指大動！不過老實，食到尾真係有嘀咸，唔知係咪因為佢係純蝦湯鹽味，所以咸咗嘀，不過有時都覺得自己好煩，重味得滯又話咸，清嘀又話淡，所以話呢！開飲食係煩，順得哥情失嫂意，我特登睇吓其他人嘀食評，真係100個人有100個哈姆雷特！所以唔好理人啦！做自己啦！