今次黎最大唔同係佢地嘅menu由紙本變左做QR code落單，每樣野食都有相睇同有寫埋有咩材料，睇得更清楚。
南越蛋咖啡($35) - 蛋咖啡好香，除左咖啡甘苦味，仲多左蛋香，幾特別又好飲。
Deep Sea Fantasy($68) - 哩杯係一杯以Gin酒做底，再配埋石榴同海葡萄嘅cocktail，上枱時侍應會喺上面加泡泡，成個水晶球咁幾我意。Cocktail飲落酒味好輕，飲落甜甜地非常易入口。
1
脆米紙薄餅($54) - 脆米紙好薄好脆，上面放滿左好多臘腸、青瓜絲同蘿蔔絲，臘腸鹹鹹香香，加埋微酸嘅千島醬，非常開胃。
1
Shake Shake雞軟骨($52) - 雞軟骨上枱時放喺紙袋入面，辣椒粉係另上，可以按個人喜好加埋落紙袋搖勻再出黎，最後先加埋青檸汁。雞軟骨卜卜脆好有咬口，食落都幾辣，辣度大約係中辣程度，如果唔食得辣可以落少啲辣粉。
招牌金邊粉($88) - 金邊粉口感微彈，唔會痴埋一舊，湯頭非常濃甜，上面仲有牛肉片、牛面珠、牛筋、牛尾、牛肉丸同油炸鬼，非常足料。
烤蔞葉雞配青蘋果條($88) - 雞皮燒到脆脆地，雞肉醃得好入味，就算唔蘸另附嘅醬汁都好食，雞肉亦唔會太乾太鞋，青蘋果條好爽口，酸酸地好清新。
1
總結，水準仲keep倒，每次黎食都冇令人失望。
