悠 定食屋 (已結業)

今日去左柴灣睇戲，地頭蟲親戚帶左我同家人黎食呢間日本野。萬萬都估唔到運動場內有餐廳。lunch time都幾多人，不過好在都有位，唔使等。不過以運動場內嘅餐廳黎講，呢間嘅價錢都唔係話特別平，當然你揀啲普通咖哩飯就會平啲。但如果想食定食就要成$80一個餐。我就叫左東京風豚肉生薑燒，賣相係唔錯嘅。但我唔係好鍾意沙律同豚肉放埋一齊，因為啲沙律撈埋啲麻醬，掂到啲豚肉個味好怪。另外個豚肉完全食唔到薑味，淨係食到甜甜嘅味淋味，雖然個味唔錯但有啲失望。反而個白飯有驚喜，加左啲調味粉好味好多。P.S. 餐廳用木枱好文青，求其影張相就已經好靚。