鮨千寿 (屯門市廣場1期) (已結業)

情人節為免被人劏，買料返屋企自煮白色情人節就唔洗驚啦，出街食。原本諗住食元氣，但另一位唔識就時間攞飛（佢放假等我放工），搞到要等幾十個先到，唔鍾意等嘅佢當然放棄。咁岩我上去果陣經過呢間冇人，就帶另一位食呢間啦。侍應哥哥問左幾多位，就帶我地去張路中心嘅二人枱，當時餐廳坐滿六成左右，我地揹背囊又抽住野，二話不說，問佢有冇四人枱（另一位都念念有詞咁話唔想要呢張，俾側邊都好）。好彩有，佢又肯安排（佢行入另一邊睇，我冇跟住佢，所以其實佢話冇我都唔會知），俾個like。客觀黎講，兩個人當然俾二人枱，正常，但未坐滿都要人坐路中心，呢樣就唔ok了叫左冷梅子麵，鰻魚石鍋飯，辣吞拿魚卷。梅子麵特登唔點汁試左先，係有梅子味嘅，估唔到點完冷麵汁都仲食到梅子味。個飯整體偏乾，多汁d會好d。吞拿魚卷不過不失，冇特別。原本諗住食左再嗌，但覺唔值，決定返去開個海底撈一人火鍋食算。食左$301，唔係好貴，但味道一般又唔飽，下次食返元氣好過。