影片
更多
2014-03-05
24 瀏覽
熱戀中的情侶最渴望一起渡過的節日，相信非西方情人節莫屬。雖然今年的中西情人節已經隨著農曆年的熱鬧歡樂氣氛轉眼地溜走咗，不過緊接著代表純潔愛情的三月十四日白色情人節，又悄悄地靠近了。喺一個咁特別的日子，和伴侶齊齊享受浪漫溫馨的燭光晚餐，表達綿綿情意，對方一定會甜在心頭，若再加上甜絲絲的情人節蛋糕，肯定 sweet 到爆。筆者早前就有幸接獲「2/3 Dolci」甜品 bar 的再度邀約，連同另外兩位食友一起來到其位於灣仔星街的店鋪，品嚐了幾款只推廣至 3 月 14 日的 Valentine Series 蛋糕及另一系列新近推出的 Mango Series Mousse Dome 和 Mango Sorbetto，在此先要說聲多謝。其實這個 Valentine Series 早於上月中西情人節前已經推出咗，包括有心形的 Amore、7 層的咖啡蛋糕 Espresso、同埋 8 層的番石榴蛋糕 Guaiava。每一款蛋糕都是 100% 全人手做的，而且體積輕巧、賣相精緻亮麗，真係靚到唔捨得食。就先由這款 Amore ($46) 出發， "Amore" 其實是意大利文，代表 "愛" 的意思
筆者早前就有幸接獲「2/3 Dolci」甜品 bar 的再度邀約，連同另外兩位食友一起來到其位於灣仔星街的店鋪，品嚐了幾款只推廣至 3 月 14 日的 Valentine Series 蛋糕及另一系列新近推出的 Mango Series Mousse Dome 和 Mango Sorbetto，在此先要說聲多謝。
其實這個 Valentine Series 早於上月中西情人節前已經推出咗，包括有心形的 Amore、7 層的咖啡蛋糕 Espresso、同埋 8 層的番石榴蛋糕 Guaiava。
每一款蛋糕都是 100% 全人手做的，而且體積輕巧、賣相精緻亮麗，真係靚到唔捨得食。
就先由這款 Amore ($46) 出發， "Amore" 其實是意大利文，代表 "愛" 的意思。由於這款蛋糕是特意為情人節而炮製的，所以特別造成紅心形狀，而玫瑰紅的外表下是一個以荔枝玫瑰茶沖泡出來的奶凍和慕絲，清新的荔枝配上香氣四溢的玫瑰，兩種味道本來就很協調，在嘴裡碰上後再互相融和，很有玩味的快感。
至於這款 8 層番石榴蛋糕 Guaiava ($46)，成品由原味海綿蛋糕、番石榴啫喱、番石榴慕絲、番石榴 ganache相間而成，面頭再綴以迷你心形裝飾，入口甜中帶酸，果味充足，清香怡人，無論是秋冬或炎夏享用，都咁適合。
同系列的 Espresso ($42)，以 7 層咖啡海綿蛋糕、咖啡慕絲及 ganache 相間而成，入口咖啡味超級濃厚，而且質感軟滑芳香，配埋面頭擺放著的兩顆可愛心心，倍添濃情蜜意。
品嚐過幾款情人節蛋糕，又輪到另一個新推出的芒果甜品系列，當中包括有以 "Alba" 命名的 Mango Mousse Dome 及以新鮮芒果打造的 Mango Sorbetto。
先試這個半圓球體狀的 Mango Mousse Dome ($42)，原來內裡是由芒果慕絲、芒果布甸和新鮮的芒果粒粒所組成，滑稠的芒果慕絲夾雜著淡黃色的芒果布甸，入口滑嘟嘟的，味道好天然，加上真材實料的粒粒芒果肉充斥口腔，吃起來非常甜美，配埋自家製的開心果餅底，好味指數爆燈。
也重溫了之前已試吃過的 100% Pistachio Tart ，標緻的面層以意大利特產 100% 純開心果醬及輕身忌廉製作，果仁顏色碧綠渾厚，入口唔單止清甜不膩，更帶著陣陣果仁的香氣，加上焦糖忌廉、朱古力醬、海綿蛋糕同個香脆嘅撻底，簡直是 perfect match！
至於這件 Pomelo ($44)，由於吃前餅師曾把件柚子卷蛋放置於雪櫃內，所以中間原本質感較鬆軟的部份，經雪凍後入口變得冰冰涼，帶點雪糕三文治的質感，加上內裡藏著不少味道酸甜清新的柚子果肉，吃起來更添口感。
這幾個樣子 cutie的蛋糕仔其實是 Baby Chiffon Cakes，共有 3 款口味，分別為 raspberry、hazelnut 及 green tea，每個都咁小巧的骰，一啖一個，加上質感輕身鬆軟，就算一個人 K.O. 曬亦完全無難度。
其實剛才提及過的幾款手工蛋糕，好似紅色的 Guaiava 咁，亦有半磅裝 ($228) 發售，而且組合竟然多達 12 層，非常之花功夫。甚至連 Pistacchio 或柚子卷蛋都有整個或原條發售，啱曬一家人分享。
一場嚟到，當然要吃番杯 Gelato 作結，就試試新出的 Mango Sorbetto，芒果味非常突出，冰涼又醒神，配埋這杯茶性溫和、清得來又潤喉的白牡丹茶，既暖胃又消膩。
張貼
