必勝客 (已結業)

今日下午食lunch途經德福廣場見到有間Pizza Hut，見到有個新嘅Pizza，白松露野菌吼雞迷你pizza，咁我同朋友行入去，侍應帶我哋坐低，今次坐卡位，坐低咗個環境都幾舒服，咁我就叫咗個白松露野菌迷你pizza，我朋友嗌左個白松露芝士海鮮焗飯，配有兩個湯我叫咗個雜菜湯我朋友叫咗個忌廉湯，跟住加$10可以換兩隻雞翼，同埋加$5可以換啫喱雪糕梳打冰，我哋換左兩杯，侍應先放低咗個Pizza，遠遠我都聞到有香好濃郁嘅白松露味，另外個白松露芝士海鮮焗飯都係滿滿嘅芝士好香嘅白松露味，簡單來講兩款新嘅食材都好好味好滿足。