影片
更多
2016-10-04
892 瀏覽
我發誓一定不會再幫襯！！！食物普通，但服務係驚人的。尤其在香港呢個急速都市，本來入間cafe係想relax吓，點知呢個半鐘頭嘅經歷令我個人更加緊張！！！！！！由個侍應明明有一隻手空閑，但卻定格要求我幫佢攞起啲刀叉嗰一副：「唔該你做客嘅醒少少幫我拎起啲刀叉啦！」嘅樣子開始，就知呢間餐廳有料到。到九點開始催你食快啲，因爲十點係closing hour，我個意粉食到一半但就話要上埋我杯黑牛。吓？？小姐，你有冇用腦諗過啲雪糕會融架喎？啲可樂趕住要拎去雪呀？定啲雪糕夜啲會冇咗架？最終叫佢上咗杯可樂先，淨係雪糕後上都怕且得喇掛？然後一路趕住收杯、收碟、乜都收一餐，好忙亂，成個氣氛好忙咁款。到 21:40 仲收埋你杯水：「先生小姐你地都唔飲水架啦可？」我冇答佢，佢收左。OK! 自問食過無數餐廳，收水杯真係第一次見。大開眼界。到21:55就走來：「我地收十點架唔好意思！」原來收十點個意思係要十點落到地下，成餐飯食得趕過朝早起身返工。我依家個人感到好大壓力，想做返隻樹熊減慢返個生活節奏。
由個侍應明明有一隻手空閑，但卻定格要求我幫佢攞起啲刀叉嗰一副：「唔該你做客嘅醒少少幫我拎起啲刀叉啦！」嘅樣子開始，就知呢間餐廳有料到。
到九點開始催你食快啲，因爲十點係closing hour，我個意粉食到一半但就話要上埋我杯黑牛。吓？？小姐，你有冇用腦諗過啲雪糕會融架喎？啲可樂趕住要拎去雪呀？定啲雪糕夜啲會冇咗架？最終叫佢上咗杯可樂先，淨係雪糕後上都怕且得喇掛？
然後一路趕住收杯、收碟、乜都收一餐，好忙亂，成個氣氛好忙咁款。到 21:40 仲收埋你杯水：「先生小姐你地都唔飲水架啦可？」我冇答佢，佢收左。OK! 自問食過無數餐廳，收水杯真係第一次見。大開眼界。
到21:55就走來：「我地收十點架唔好意思！」
原來收十點個意思係要十點落到地下，成餐飯食得趕過朝早起身返工。我依家個人感到好大壓力，想做返隻樹熊減慢返個生活節奏。
張貼