3,40蚊有意粉有件扒，不過不失，當然唔好太有要求啦。
早排想幫襯，以為執左，原來係搬左黎南京街25號(就女拔旁邊)
既然黎到就梗係幫襯啦
新鋪環境好左好多，乾淨，坐得舒服
面積唔大，一眼望哂望到廚房
就係呢一刻，驚喜出現，有位熟悉身影
望真原來係前牛屋大廚 四眼仔
原來過左黎幫手開新鋪
午飯時間都幾忙下，唔阻人做生意
叫左個蕃茄朱扒意粉，食落都同之前唔大分別，保持到，但係朱扒就比較乾同薄，可能成本問題啦～
臨走時同老闆傾左幾句，佢話新鋪仲係起步階段，可能未做得太好，多多包涵。
加油呀，小店值得支持
