牛石料理 (已結業)

閒日放假，約左男友等埋我收工車埋我去九龍城食晚餐😀行過見到門口有好多海鮮，所以一於就係度食啦，呢間叫牛石料理，第一眼睇門口真係有少少似酒樓🥳入到去既環境好有日本Feel，店員見到我地就帶我地入去，呢個時間剛剛開始多人了，好彩我地都可以坐到個靚位♨️———磯煮鮑魚———-呢度既海鮮都好豐富，大部份都係我地會食既，呢排都成日食海鮮，唔差在食埋一齊，呢個鮑魚好大隻，食落去好彈牙，日本品種既鮑魚又睇得又食得‼️———-海膽杯———-我諗呢款海膽杯係招牌菜，見到好多枱都有點呢個，除左有海膽之外仲有大量既三文魚籽，海膽好厚身，新鮮度十足，質地好企身，唔會太濕，三文魚籽一口咬好過癮，爆開晒成個口都係魚籽味，絕對有口感‼️————沖繩苦瓜豚肉炒蛋———-呢份炒蛋好香，上層有勁多料，原來咁樣食係好食，就連炒蛋都咁有蛋香，呢度全部既食材主要都係源自於日本，沖繩苦瓜都特別好食，認真唔差‼️———-日式燒雞翼———-呢款小食都唔可以錯過，雞賢之中燒得好香，絕對係燒到陣陣燒烤味之外仲留著雞肉既味道，日式燒既雞賢係好好食，最後會加檸檬汁，酸酸地好開胃‼️