錵の工房 (已結業)

係九龍灣返工，有時都會約同事出去食Lunch，但食來食去都係果幾間，有時都想試下新野。上星期放工時見到一張大poster，比佢地既食物照片吸引，價錢算ok，於是約定大家下次lunch time食呢間。間店空間ok，但人多坐滿時冷氣不足而且射燈照住覺得非常焗同熱。食物方面，同事點了唐揚雞排定食、鯖魚定食，所有定食配了一碗麵豉湯、沙律、前菜，同埋飲品。她們覺得味道唔錯。而我點了自家制和牛漢堡:自從大肚後，就愛上食burger&chips，所以我必點呢個餐。呢個餐配洋蔥湯同飲品，湯就普通。但個burger不得了，切開一半後，發現和牛漢堡非常之厚，再加上生菜同蕃茄，係非常之豐滿既burger。果塊和牛漢堡係好juice同好香牛味，真係好正。再加埋薯條，呢餐係非常滿足😍😍最後份量太大，我要打包一半burger拎返公司做下午茶。