The Point (已結業)

登龍街食店林立，選擇甚多，但係The Point永遠係我心目中嘅first choice，好味係基本條件，重點係每次到訪未見人龍無須等位，但唔代表餐廳質素差先無人排隊。排隊食飯呢回事向來於我好不智，世上無左一個我，仲有千千萬萬個我，餐廳如是，排除食飯好比未見官先打三十大板，排完一輪邊有心情食飯。今次已經第二次來，我係衝着佢呢個水牛Pizza而來！即叫即整，嚟到熱辣辣仲會拉絲，餅底薄身脆口，而且份量一啲都唔孤寒，兩三個人share都好足夠。