更多
2018-10-18
108 瀏覽
經過旺角登打士街有好多唔同嘅飲品店進駐,之前試過幾間,飲完真係得啖笑,又貴又唔好飲。但係今次我又用一個冒險嘅精神,試咗呢間新店。喜出望外,呢間店舖嘅menu都幾豐富,而且仲有桃膠飲品!我試咗「仙蜜百香果桃膠」,飲品嚟到嘅時候已經覺得顏色嘅漸層好靚,一開始用飲管飲嘅時候,底部嘅百香果味非常突出,酸酸甜甜我好鍾意。之後就會諗到紅肉火龍果嘅味道,不過個人認為火龍果始終有一浸草青味,唔係個個人都接受到。不過兩種味道夾埋,都算係唔錯。而且底下嘅桃膠爽滑,同飲品真係一拍即合,酸酸甜甜好fresh!!!!!!
張貼