影片
更多
2023-02-03
20 瀏覽
到底幾時開始，Cafe變成一個打卡嘅地方？文青工業風全白系無印風，cafe既裝修似乎比本身既食物更重要。唔好食唔緊要，夠打卡able就得。咁，食物既本身，係咪就得返陪襯價值？咖啡屋座落數間車房中央位置，簡潔既招牌同墨綠色既磚身，係芸芸店鋪中的確鮮明，係街尾都一眼望到今日又係要late lunch，見到Lunch Set Menu係11:30am-3pm，望一望錶overtime咗🥲幸好店主格外安排到早餐同下午茶係一樣menu，套餐都附送沙律/餐湯同餐飲。先生揀咗鮮茄珍珠帶子意粉，而我就揀咗蒜油花椒蜆肉意粉，睇落配搭好新穎，來個中西式crossover🍽️店主見我諗餐飲諗到個頭越嚟越大，就推介咗summer white同埋honey grapefruit tonic比我地，小食不免俗來個黑松露薯條🤟🏻世一好快就送上咗餐湯同沙律，今日餐湯係南瓜湯，有別於一般南瓜忌廉湯。入面除咗有南瓜蓉之外，仲有唔少洋蔥粒，兩種食材都令到個湯好甜，而且冇太多調味，係好清爽既南瓜湯油醋沙律好新鮮，最鍾意沙律上面有煙肉粒碎Summer White端上枱時，一大片鮮紅既西柚乾實在係幾靚🤣回過神來發現，西柚配咖啡？？
文青工業風全白系無印風，cafe既裝修似乎比本身既食物更重要。唔好食唔緊要，夠打卡able就得。
咁，食物既本身，係咪就得返陪襯價值？
咖啡屋座落數間車房中央位置，簡潔既招牌同墨綠色既磚身，係芸芸店鋪中的確鮮明，係街尾都一眼望到
今日又係要late lunch，見到Lunch Set Menu係11:30am-3pm，望一望錶overtime咗🥲幸好店主格外安排到
早餐同下午茶係一樣menu，套餐都附送沙律/餐湯同餐飲。先生揀咗鮮茄珍珠帶子意粉，而我就揀咗蒜油花椒蜆肉意粉，睇落配搭好新穎，來個中西式crossover🍽️
店主見我諗餐飲諗到個頭越嚟越大，就推介咗summer white同埋honey grapefruit tonic比我地，小食不免俗來個黑松露薯條🤟🏻世一
好快就送上咗餐湯同沙律，今日餐湯係南瓜湯，有別於一般南瓜忌廉湯。入面除咗有南瓜蓉之外，仲有唔少洋蔥粒，兩種食材都令到個湯好甜，而且冇太多調味，係好清爽既南瓜湯
油醋沙律好新鮮，最鍾意沙律上面有煙肉粒碎
Summer White端上枱時，一大片鮮紅既西柚乾實在係幾靚🤣回過神來發現，西柚配咖啡？？
第一啖飲落去，我同先生講:嗯，呢片應該係西瓜嚟。
當然下一句就比人鬧白痴🤣
第一啖係滿滿既西瓜甜味，後來先有西柚同咖啡既香氣，慢慢飲就會發現甜味逐漸融入咗咖啡入面。
Honey grapefruit tonic清爽夠凍又夠氣🫧蜜糖甜味填補咗西柚既苦澀，夏天飲應該更開心
鮮茄珍珠帶子意粉絕不欺場，醬汁唔係一貫又濃又酸澀既罐頭番茄味，有天然既番茄甜味同月桂葉既辛辣味。珍珠帶子份量多，有海鮮鹹香，同酸甜辣既醬汁配搭得好好
我既蒜油花椒蜆肉意粉都不遑多讓，上枱時賣相好特別，忍唔住wow咗一聲。
意想中係急凍蜆肉，當見到一隻二隻口擘擘咁一副叫我食佢啦食佢啦既樣子，連平時唔會相機食先既先生都話要影相先📷
蜆既個頭都唔細，而且鮮甜冇沙。但重頭戲估唔到竟然係意粉到
首先兩款意粉都煮得剛剛好，有麥味，蜆肉意粉好濃蒜同蜆既鮮味，慢慢有花椒既椒麻味，但又唔會好嗆喉，第一次食到呢個crossover，又估唔到cross得咁好
黑松露薯條嚟講，我點樣都會比100分，單純我的最愛🤟🏻呢到我比120分，因為薯條好熱好脆，上面仲有辣粉😚，同埋黑松露醬好濃
咖啡屋雖然冇特色打卡花牆，但有舒服既環境同款款都出色既美食，悠閒咁享受一餐美食，呢個我相信先係Cafe最重要既意義。
P.S.我最享受店入面播既周國賢🎵
張貼
