愛爾蘭瘋薯 (已結業)

Take 2：18-10-2008再次嚟到愛爾蘭瘋薯檔口，可能已經係晏奏點幾鐘，所以特別多人...睇住佢哋busy過不停，開住幾個爐，狂炸薯條，如果天氣熱啲，真係辛苦到爆...我要咗一份招牌芝士瘋薯，輪候no.係425，見佢哋先call到414，心諗：真係有排等啦...等嘅位置係日之船&瘋薯之間嘅一條小巷，間中會有垃圾推過，加上人多，有時仲會有人拎住個杯埋嚟斟汽水，等嘅時候都幾唔自在...不過就係企喺度咁耐先睇到唔少製作過程，芝士係用個瓷杯裝住，放入微波爐叮溶佢，and then倒落啲薯條之中，睇落都真係幾正，其他醬料就唔洗咁麻煩...等呀等，我終於見到自己果杯啦，一手交菲一手攞貨，食到招牌芝士瘋薯，溶溶嘅芝士醬，又熱又香，真係比酸忌廉好食得多...只可惜係...一定要食得快，因為我發覺啲芝士會琼得好快，當佢冷卻咗結成一舊嘢嘅時候，就冇咁好食啦...Take 3：01-11-2008之前試咗佢哋兩款瘋薯，今次諗住試埋另一款口味---蜜糖芥茉...可能係啱啱開舖嘅關係啦，仲未見到大包圍嘅局面，只得小貓三幾隻，計埋我...落完order之後，佢哋開始炸，喺等待嘅期間，見到佢哋預備緊其他食物