堅韓牛韓燒放題 (已結業)

今日同朋友訂左呢間堅韓牛，貪佢可以韓燒又可以打邊爐，岩曬選擇困難既我地。佢地方唔算好大，但座位都算闊落，等左一陣就有位入。韓牛1+1肉眼入口好重牛味，食落好嫩滑，唔洗調味都好好食。油脂分佈好平均，唔洗點咬佢就係口到化開。韓牛他他第一次食生牛肉，個感覺有似食緊刺身，入邊有隻生蛋撈埋一齊食，食落好重麻油味 都幾特別。刺身有八爪魚同三文魚，食落都新鮮，比平時任嗌放題好食。燜牛肋骨煲入邊有蘿蔔，栗子，紅棗，同兩舊牛肋骨。牛肋骨燜得都幾淋幾入味，送上嚟個陣熱辣辣 到我地燒完完再食都仲暖暖地。整體感覺都幾好 食得出都足料燜。美國大理石+韓牛美國大理石好大塊 望落油花都幾靚 好少會係任食見到有咁大塊牛，整體食落都好食，雖然係任食，但都keep到質素👍🏻韓牛牛胸爽同大理石最好食一口牛柳粒+芝士雞翼牛柳粒好入味，放左洋蔥同炸蒜係面，食落去好淋，唔會勒。芝士雞翼食落好特別 唔係日式個隻，有小小泡菜味，已經去左骨，咬落啖啖肉😋燒海蝦隻隻蝦頭都有蝦膏，燒到金黃色，幾新鮮。另外仲有燒魚塊，本身已經腌好左，好入味，就算用嚟燒定打邊爐都唔易散。韓燒完之後可以寫紙落湯底打邊爐，我地叫左辛辣湯底，都夠辣，嚟個陣係細細一