輕鬆一下 (已結業)

見到網上雜誌介紹, 知道葵涌廣場有好多美食, 今日決定去瘋狂掃街, 第一站嚟到呢到, 經過條巷好多人坐晒喺到食野, 好彩行過有一邊有好多位, 我地叫咗個碗仔翅, 煎釀三寶, 腸粉腸粉 - 唔知點解太耐冇食, 好想叫碟腸粉食, 呢啲腸粉喺酒樓食唔到既, 一定要去啲車仔檔, 11蚊有4條, 8蚊有3條, 唔知係咪座位樓上有部冷氣直吹定本身佢已經唔係熱, 食既時候係凍既, 雖然味道係不錯, 但放涼咗囉煎釀三寶 - 有炸魚蛋, 青椒, 茄子, 紅腸, 上枱時係暖既, 味道可以, 魚肉都好彈牙碗仔翅 - 食咁多樣野, 最熱都係呢碗啦, 熱得嚟係入到口既, 但又唔係暖囉, 好足料, 好多冬菇, 味道偏咸總結 : 食物凍咗就係難食, 雖然係入到口, 但如果食物係熱既, 就算運送過程路途係遠既, 上到枱都會係暖而唔係凍