新珊瑚堡餐廳 (已結業)

4 May 2009近日H1N1流感恐慌，我有些傷風感冒，都係睇醫生食藥穩陣D！睇完醫生，難得大嚿話嚟同我食lunch喎，就去呢度食個午餐啦，雖然開左都有一段時間，但係聽過食評唔多好，一直都唔去試！今日行過，覺得比金加利坐得舒服D，所以即管一試啦！結果一如所料，都係金加利質素好D，價錢又差唔多，下次要食西式午餐都係去返金加利喇！午餐選擇都算多，有焗意粉/飯，大碗飯，咖哩飯，仲有拉麵潻...我就叫左個洋蔥汁雞扒漢堡扒(跟淨菜)，包湯+餐茶=$40，味道唔會特別好食，但又不至於唔好食果D，不過果塊漢堡扒又細又薄，雞扒亦都唔大塊，份量頗為細，好彩我唔肚餓，所以啱啱好！大嚿就叫左個粟米忌廉汁西蘭花焗意粉，我無試呀，不過佢話我果個好食D，而意粉就係粗身果D，忌廉汁就似係金寶湯果D，唔係西式果D白汁...我諗我都無咩機會會再去幫襯，因為淘大有其他更好嘅選擇！