鴻星中菜 (MOKO新世紀廣場) (已結業)

相信大家係疫情下，都會盡量唔出街，而work from home，去避左d疫情嫁喇。（雖然好多行山撚，山頭逼到pk）大家平時飲既酒樓，就當然會無曬生意，但今次叩間逆市出奇招，用網上外賣平台黎賣外賣，足不出戶就可以食到平時酒樓食既野，平時叫開其他茶記快餐廳外賣，都食到厭，得閒叫下呢間都真係唔錯。燒肉非常出色，本人最愛，5層肉黎，肥瘦均勻，醃得又夠曬入味，加埋個皮又香又脆，真係好掂，食之回味，底下仲有d炒花生，都好惹味。橙花⻣，炸得夠曬香脆，質素好高，加左d橙味中和返肥利既感覺，做多幾舊都唔會覺得太利。呢個菜真係送飯一流。飯雖然睇落好普通，但做得好都係好難，雖然經網上外賣平台送上黎，但都唔差，唔會話太軟，可以接受。