二少廚房 (已結業)

禁晚市堂食後，大部分時間都係自煮，今晚突然想食外賣，就去咗觀塘呢間朋友推介的手撕雞幫襯下。放工時間都多人，所以點餐後都要耐心等候。我叫咗一個燉湯手撕雞套餐同半隻手撕雞外賣，大約等咗15分鐘就有得拎了！蟲草花燉湯：一打開個杯蓋，已經聞到超香濃既湯味，湯入面有雞肉、雞腳、瘦肉、龍眼肉、蟲草花～雞腳燉到好軟林，亦吸哂湯既味道～飲一啖湯，好濃郁，冇味精。套餐既薑蔥手撕雞：附送咗兩盒薑蔥油，手撕雞本身都有小小麻油香味，但拌埋薑蔥食，更一流。散叫咗半隻鹽焗手撕雞：呢個比薑蔥手撕雞更入味，再加上芝麻，味道更香口！