ZAN CHEE (新城市廣場一期) (已結業)

依家限聚令重未放寬，六點後無得堂食，搞到個個都冇得係街食晚飯，不過香港商機處處，正所謂有危就有機，呢間鋪頭最近崛起，係沙田開咗新分店。鋪頭專做韓國食品外賣，做得外賣嘅舖頭有三樣嘢當然係好重要，“效率”、”方便”、“衛生” ; 先講效率，去到嗰陣見到起碼有二十幾人排隊，真係見到都灰，雖然有勁多人排隊，但餐廳效率超高，好快人龍已經去咗一半 😚 再嚟就講方便，餐廳為方便顧客選擇，將大部分既食物放喺櫥櫃到俾大家睇到個賣相同價錢，最怕有啲顧客埋到收銀處時先研究有咩食，咁樣做大大減少影響後面顧客既等候時間 👍🏻 最後就係衛生，餐廳嘅外賣小食盒用上密封式嘅膠膜密封，感覺相當衛生，而且餐廳望落都好企理。估唔到叫個 S-細 小食都咁大盒，真係相當抵食。新鮮辣泡菜 (細 $30) & 辣炒魚糕 (細 $40) : 辣泡菜夠哂辣而且又多汁，好食過超市買果啲。第一次食辣炒魚糕呢款食品，味道唔錯，而且份量重好多。😋辣魷魚煎蛋拌飯 ($65) : 實物幾大碗，有八種唔同既配菜，跟飯重會有個辣醬，不過自己鐘意撈新鮮辣泡菜食。