Bingo & Cook (京都廣場)

早幾日同朋友經過銅鑼灣，見到有一間主打韓式料理嘅餐廳，竟然有醬油蟹同韓式炸雞任食套餐！食完之後覺得佢味道夠正宗，餐廳環境闊落，坐得舒服，加上地址超方便，就係地鐵站對面，最重要既係cp值勁高！

醬油蟹

醬油蟹係必點之選！第一份可以選擇公蟹/母蟹，然後逐添加嘅只可以喺公蟹，梗係要叫返份充滿膏嘅母蟹滿足下先！啖啖膏，撈埋白飯，真係一流！後續瘋狂添蟹，全部蟹肉好新鮮，醬油味道入晒去，每一啖都好滿足。

韓式炒年糕

炒年糕唔會太辣，啱啱好嘅辣度加埋煙韌嘅口感，食落真係停唔到口。

韓式炸雞

炸雞炸得外脆內嫩，雞肉多汁又香口，仲可以任食，真係一個字：正！

另外佢仲有小食例如年糕香腸串都係任食，汽水亦係任飲，啱哂一大班frd過黎過下韓國菜癮！