今次嘅莆田海蠣節就推出六道經典海蠣菜餚，任君選擇，一次食兩味仲低至$209兩道菜，真係非常非常之抵！
▶️九層塔香燜海蠣
離遠已經聞到九層塔撲面而來嘅香氣，而且九層塔嘅味道在香燜的過程中滲入到每粒海蠣中，完全吾腥，蠔肉嫩滑，香口！
▶️辣子鮮海蠣
哩道菜特別在於用薄薄一層天婦羅粉漿包裹一粒粒海蠣，再酥炸而成。整道菜吾會油笠笠，鮮香味美，再加上辣椒油同辣椒段嘅香氣，第一次食到哩個配搭，特別！
▶️脆皮蒜香雞($148/半隻)
每次嚟都吾可以吾食嘅蒜香雞從來都冇令人失望過。蒜香雞其實就系平時香港食嘅炸子雞，莆田嘅出品雞肉皮脆肉嫩，淨系食個皮已經值回票價，雞肉味道濃又不會乾柴，呈金黃色，見到都流口水～
▶️風味麥片蝦($198/小份)
充滿南洋風味嘅一道菜，蝦肉開邊去腸，炸嘅時候裹上椰絲和麥片，出品吾止脆口彈牙，仲有椰絲香氣。
▶️薄荷琵琶凍($38)
哩個薄荷琵琶凍口感如著啫喱，非常清新又唔膩，做飯後甜品一流。
▶️酥炸冰心榴蓮($48)
今餐嘅點睛之筆就系哩個冰心榴槤，真系好好味，榴槤味十分濃郁，外面系酥炸麵皮但系完全唔油膩，大推！
