影片
更多
2018-04-07
523 瀏覽
小學雞放假，一日到黑追住我帶佢去街。趁假日帶佢嚟黃埔行吓，順便帶佢嚟呢間「海賊王」主題餐廳。門口有間主題精品店，食完可以買吓紀念品。場內有好多海賊王人物，小學雞不斷要我幫佢影相，要send俾同學仔睇喎。嘢食佢發辦，即管叫啦~雜菌忌廉湯$48忌廉味好濃，但雜菌味道唔出，一般般。Luffy BBQ雞翼$58四隻小雞脾，預先起左肉出嚟，食得好方便，用手食最啱。Chopper蟹肉可樂餅$58圓碌碌，幾香脆，即炸的。入面見到有一絲絲蟹肉，又有啲洋蔥粒，但係裏面有多一種羶味，味道有啲似羊奶味道，唔知點解。西班牙海鮮飯$138材料幾多，青口、蜆、墨魚、魷魚鬚、蝦、西班牙辣肉腸，落單時店員溫馨提示會有少少辣，怕小學雞食唔到，佢話「駛乜驚」。入口只係微微辣，易入口，又幾惹味。Franky Super漢堡$138藍色漢堡得一次見，落單時仲問我地要幾成熟，幾貼心。星形薯餅，小朋友就最開心。Chopper雞蛋仔$78底層係雞蛋仔加忌廉，忌廉唔會太甜，而雞蛋仔就唔夠脆又略為硬，上面係棉花糖，影張相，呃吓LIKE一流。搭正九點，廣播話有場SHOW，現場會將燈光調暗，跟住有啲燈閃閃吓，有啲DISCO feel，小學
門口有間主題精品店，食完可以買吓紀念品。場內有好多海賊王人物，小學雞不斷要我幫佢影相，要send俾同學仔睇喎。
嘢食佢發辦，即管叫啦~
雜菌忌廉湯$48
忌廉味好濃，但雜菌味道唔出，一般般。Luffy BBQ雞翼$58
四隻小雞脾，預先起左肉出嚟，食得好方便，用手食最啱。Chopper蟹肉可樂餅$58
圓碌碌，幾香脆，即炸的。入面見到有一絲絲蟹肉，又有啲洋蔥粒，但係裏面有多一種羶味，味道有啲似羊奶味道，唔知點解。西班牙海鮮飯$138
材料幾多，青口、蜆、墨魚、魷魚鬚、蝦、西班牙辣肉腸，落單時店員溫馨提示會有少少辣，怕小學雞食唔到，佢話「駛乜驚」。入口只係微微辣，易入口，又幾惹味。Franky Super漢堡$138
藍色漢堡得一次見，落單時仲問我地要幾成熟，幾貼心。
星形薯餅，小朋友就最開心。
Chopper雞蛋仔$78
底層係雞蛋仔加忌廉，忌廉唔會太甜，而雞蛋仔就唔夠脆又略為硬，上面係棉花糖，影張相，呃吓LIKE一流。搭正九點，廣播話有場SHOW，現場會將燈光調暗，跟住有啲燈閃閃吓，有啲DISCO feel，小學雞勁興奮啦，連我都以為「有真人扮海賊王角色」出嚟表演，點知原來係喺屏幕播片，我就得啖笑啦，小學雞卻極之Enjoy，好吧，就陪你一晚，重拾一下童真吧！
張貼
