響丼丼 (已結業)

時隔兩個月，仍然好深刻，而家先識得寫食評。坦白講，堆野食絕對唔難食，只係改名實在太令人失望。第一次行入響丼丼，望住好多人食緊「青瓜沙律丼」，我心入面就諗：千祈唔好叫呢個餐！然後望左陣menu，最後揀左「香辣三文魚丼」但我冇諗過三文魚丼，正正就係「青瓜沙律丼」，比一堆青瓜沙律撈幾粒三文魚就算...四十幾五十蚊，真係唔算貴。但「青瓜沙律丼」，三十蚊都嫌太貴。寧願真係想食個陣去買五十蚊大大兜冇飯嘅青瓜沙律，而唔係用來做正餐。非常後悔冇影低青瓜沙律丼的樣比大家睇，不過大家若唔想「三文魚」變「青瓜沙律」，記得問清楚入面有咩料先好叫餐。對於我來講，因為太失望，所以第一次幫襯，亦會係最後一次幫襯。