麻布茶房 (已結業)

瞓醒起身突然想到要食蕃薯雪糕，當然就去麻布茶房啦，我由細食到大架麻。響果到食lunch, 然後歎埋個甜品，就是今日的計劃😆。定食加 $45 多個魚生飯，咁就夠要留肚的我們啦⋯鐵板牛肋骨$128 & 迷你海鮮飯$45鐵板牛肋骨一客四件，鐵板上，熱辣辣好惹味。附上黑椒汁，但其實唔使點都已經好夠味。牛仔骨唔算好淋，但是非常有牛味，正！配菜有切左片的焗薯，西蘭花同蕃茄仔，亦好入味。配菜係酸酸地的雜豆，幾開胃既。仲有蛋花味噌湯，清清地囉。迷你海鮮飯套餐有白飯，加 $45 就白飯變刺身丼，當然加啦！好大碗，一點都不迷你，而且用料相當豐富，有三文魚、吞拿魚、玉子、青瓜同勁多蟹子。刺身舖滿飯面，價錢雖平，用料卻冇手軟。性價比超班！巨峰可必思 +$28套裝加錢 upgrade 特飲，揀左巨峰可必思，係巨峰提子味的乳酸。味濃，唔會太甜，配牛肋骨食都幾 match 。不過upgrade 加$28， 貴左少少喎。燒蕃薯霜淇淋宇治金時$48食完正餐，又係時候到主角出場。我至愛的燒蕃薯宇治金時呀！燒蕃薯好香，加上天然的甜味，暖笠笠超好食。上層係牛奶軟雪糕，唔會太甜，一冷一暖，份外吸引。再加上外層淋上枺茶醬同紅豆，