在家 (已結業)

之前睇到好多介紹，講在家既扭紋蛋雞扒飯好好食。於是就約埋朋友一齊黎試食啦。由於位置問題，我地揾左好耐先揾到呢間餐廳。一坐低點完餐，服務員就遞上蝦湯，估唔到個蝦湯好好飲。蝦湯好甜，好重蝦味，飲完覺得太細碗，真係好想再飲，但加湯就要加12元，感覺略貴，所以就冇加啦。朋友就點左另一款雞扒飯，我就為左扭紋蛋而來，於是就二話不說點左呢款飯。終於上枱，我即刻食一啖。點知大失所望，首先我認為應該熱辣辣，但個扭紋蛋完全係凍。入面既照燒雞扒，完全冇照燒味。感覺個飯好伏。