點點心 (已結業)

行入黃埔經過見新開決定食個點心做lunch, 記得佐敦店早年都有間唔中去幫襯下，次次都要等位，食物質素唔錯架。呢間新店唔需要等位，亦都有唔少人幫襯，坐低一望啲餐具，油立立，膠餐具清洗不乾淨就有呢個問題，我老闆即時遞上紙巾又幫我洗洗抹抹，佢已心知我唔係咁滿意。我們依舊點選平常食開既幾款點心，但怕腸粉唔熟透，所以點了义燒腸最穩陣。點心算夠熱，但未見突出，腸粉皮尚算薄滑。唯一蝦餃最可取，餃皮內包住整隻大蝦。點了流心豬仔，咬下一口只見內裡的奶皇醬，絕不流心，是不夠火喉還是奶皇比例不夠「留心」？機會給了，還是回去吃開的舊店穩陣，再比一次機會佢喇！