南駅 (已結業)

東大街係一條食街，但餐廳嘅食物質素良莠不齊，呢間已經係第二次食畀晒機會。《籠仔糯米飯》$68第一次食呢一個籠仔糯米飯，食落去平平無奇，一啲都唔好食都唔明點解咁多人話好食。《馬來咖喱牛腩飯》咖哩其實就唔會輸，都算合格，但其實同大家樂嘅質素差唔多。《龍蝦湯海皇泡飯》$78呢個泡飯真係火都嚟，呢度完全冇龍蝦味，好似清湯咁，隔離有個米通可以放落去，但唔係好明個目的係乜嘢，米通又索唔到龍蝦湯味，一放落去就淋，完全增添唔到口感。