1/16咖啡店 (已結業)

睇完子華神，拎住張票尾歎咖啡，男神當然遇唔到，驚喜嘅係試左拉到好似咖啡花咁嘅奶茶，茶香夠濃，奶味夠重，好特別亦無咩地方有，真心推薦下。朋友叫左Latte，咖啡味真係好香好特別，如果間鋪係我公司樓下，一定會日日幫襯！朋友仲試左中華沙律冷面，要求多麻醬，老闆娘毫不吝嗇好重手，醬汁野味唔會只係得個咸字，冷面亦夠晒al dente，呢個係意料之外，好好食。呢到環境夠寧靜，好舒服咁hea下吹下水就一個下午。朋友話個食物menu會久唔久轉下，之前試過牛油果通粉，又係另一推介。