OPPA韓國燒肉店

好多年前已經食過呢間韓式燒肉，如果講香港韓式燒肉嚟講依家應該可以用元組嚟形容！
我想講，呢間小店一入去就已經好有韓國燒肉店嘅氣氛，香港呢排啲經濟咁低迷，經歷過疫情，小點依然屹立不倒一定有佢嘅實力所在。
我哋今日叫咗和牛拼盤，價錢非常均真同實惠，三百幾蚊就有個盤！啱晒鍾意啖啖肉嘅朋友，黃牛入口即溶，油脂均勻，加上燒汁，真係一級棒！
另外我哋都叫咗個牛骨湯，大大條牛骨喺湯入邊，除咗條牛骨之外，連啲肉都係大大嚿，非常之濃郁，湯煲到奶白色，料非常足，真係必試！
仲有白菜豆芽小菜無限添加！啱晒好鍾意食泡菜嘅我！超級健康🤭