Passion (已結業)

黃氏力牆 今日經過尖沙咀， 又要搵餐晏食嘞！ 年紀大機器壞 ，都係唔好再食肉啦 於是 假扮 西人食得健康啲就食沙律啦。 我以前好驚食沙律㗎 ，因為次次都係食生果沙律 無乜選擇，今次是 我第一次見到有咁多沙律咁多選擇同類型，真係大開眼界 我仲特登影曬所有佢嘅沙律款畀大家睇睇， 各位在家嘅美女 有空就參 考下， 有時間就整下畀你另一半試下啦！ 其實好多港女都好細心㗎啦！ 我用咗63蚊 叫咗有四款沙律 ，開頭我見到外籍人士 做店員滿口英語 ，我都有啲嚇窒㗎 因為我英文好差㗎 ，好好彩佢哋有中國籍嘅店員 ，仲好有耐性咁樣解釋畀我聽 ，等我呢啲 鄉下仔都有得食下法國嘢 我第一次食到 用藜麥 丶紅菜頭、 生薏米、熟薏米， 仲有唔識啲乜嘢嘅材料整成嘅沙律， 超級好味， 仲有 咖哩味嘅沙律， 不過我就覺得味道有啲咸 ，但係總體嚟講都係好清新嘅感覺。 值得一讚嘅係佢哋呢放咗好多麵包 畀你 試食， 真材實料！ 我仲要多咗個 素食 pizza， 上面放咗好多香菇、 芝士， 感覺 唔會好濃味，但係 芝士味唔係好濃郁， 感覺唔會好heavy！ 作為一個男士 食得好飽啦， 但係重點係我一嚿肉都冇食到 ，仲要食咗好