影片
更多
2018-12-11
39 瀏覽
是日男朋友仔接我放工，就帶我去番工附近既S2鐵板燒食好西，豪請我食依個海膽杯盛宴$1888/二位。個套餐真係勁多野食，包括左：沙律：蟹肉黑醋沙律杯，沙律杯既底部放左一D生菜，而表層就放左大量既蟹肉，同埋蕃茄仔同埋豆腐，再灑上薄薄一層甜甜酸酸既黑醋，十分開胃～刺身：北海道3點盛盒，盛盒入面有3種唔同既刺身，有超鮮甜既北寄貝，厚甜既三文魚，同埋大大隻既牡丹蝦！仲要相當新鮮～正！招牌菜式：樂師傅十層海膽杯，海膽杯簡直每一層都有驚喜，雖然係迷你版 但絕對唔慳皮！表層插住一塊燒白鯪魚煎成既薄脆，之後放左大大舊既北海道紫海膽同埋帶子，下一層再放左沖繩既海葡萄同埋三文魚籽，三文魚子下面又再放多左層海膽，簡直啖啖都充滿驚喜，啖啖都係味蕾上既享受。蟹粉甲羅燒海膽杯：表層有鮮甜既海膽，之後再放左層沖繩既海葡萄同埋三文魚籽，而底層就係蟹膏北海道海膽流沙松茸大蝦多士，依個簡直係鮮、咸、香於一身！海膽焗原條海參：依個係我最鐘意既一道菜，唔單止混合左中日兩個國家既菜式，同時海膽整成既醬汁混合入，海參入面係估唔到甘夾，忍唔住一啖接一啖甘樣食！～海鮮：海膽芝士醬焗龍蝦，新鮮既海鮮無需要太多既調味，只係簡單放一層海膽芝
是日男朋友仔接我放工，就帶我去番工附近既S2鐵板燒食好西，豪請我食依個海膽杯盛宴$1888/二位。個套餐真係勁多野食，包括左：
沙律：蟹肉黑醋沙律杯，沙律杯既底部放左一D生菜，而表層就放左大量既蟹肉，同埋蕃茄仔同埋豆腐，再灑上薄薄一層甜甜酸酸既黑醋，十分開胃～
刺身：
北海道3點盛盒，盛盒入面有3種唔同既刺身，有超鮮甜既北寄貝，厚甜既三文魚，同埋大大隻既牡丹蝦！仲要相當新鮮～正！
招牌菜式：
樂師傅十層海膽杯，海膽杯簡直每一層都有驚喜，雖然係迷你版 但絕對唔慳皮！
表層插住一塊燒白鯪魚煎成既薄脆，之後放左大大舊既北海道紫海膽同埋帶子，下一層再放左沖繩既海葡萄同埋三文魚籽，三文魚子下面又再放多左層海膽，簡直啖啖都充滿驚喜，啖啖都係味蕾上既享受。
蟹粉甲羅燒海膽杯：
表層有鮮甜既海膽，之後再放左層沖繩既海葡萄同埋三文魚籽，而底層就係蟹膏
北海道海膽流沙松茸大蝦多士，依個簡直係鮮、咸、香於一身！
海膽焗原條海參：
依個係我最鐘意既一道菜，唔單止混合左中日兩個國家既菜式，同時海膽整成既醬汁混合入，海參入面係估唔到甘夾，忍唔住一啖接一啖甘樣食！～
海鮮：
海膽芝士醬焗龍蝦，新鮮既海鮮無需要太多既調味，只係簡單放一層海膽芝士醬
再焗一焗就已經鮮到不得了，仲要廚師超貼心，切好晒比我地～又好食又方便
肉類：
A5和牛松茸海膽卷，薄薄一層既牛肉片，再包埋一大舊海膽，果種滋味真係好難形容！就係好味囉～
食事：
蟹粉海膽黑松露炒飯，我地食完甘多野之後，已經肚仔漲晒，估唔到個炒飯仲好足料～一大盆，仲要師傅將蟹粉、海膽、黑松露完全混入飯入面，真係好香好惹味！
燒野菜
食左甘多好西，梗係要食番D菜啦～幫我地清清腸胃
吸物：
S2特色松茸蜆湯，依一道菜上枱果時，我同男朋友仔都好好奇，點解有個袋仔載住既？之後店員就幫我地剪開，果陣松茸真係撲鼻而來，飲落口蜆味十足～簡單得來又好味！
甜品：
海膽雪糕，最後依個甜品真係誠意十足，成個雪糕充滿海膽味，仲保留左少少海膽既口感，好得意！
估唔到依餐充滿驚喜，樣樣菜式都相當特別～而且絕對食到肚仔漲晒甘出來！
張貼
