三餐冰室

營業中

休息中

想當年曾經在附近上課，原先行人稀少的舖位，現在變成非常旺場的三餐冰室，真係十年人事幾番新！反正到午飯時間有點餓，便順便入去食餐飯，坐低即時被隔離點嘅三餐三蛋飯吸引到，便照跟。午餐肉一直是伴著香港人成長的茶餐廳物，早餐有餐旦麫、下午茶有餐旦治，晚上也可來過餐旦飯，真係百搭，可惜自從梅林牌午餐肉消失之後，已經再找唔到好食的午餐肉，都唔明點解啲新牌子總是做不到當年的水準！三餐三蛋飯令我重回舊味，大堆頭，粗枝大葉的賣相，午餐肉口感不粉，煎得香，外脆內軟，而太陽蛋起边流心，加上特製的豉油，完全無法抗拒，大口地吃，非常滿足，真係三餐都唔厭。配餐茶，$55，價錢合理。