K2 Kitchen (已結業)

男人話佢都要慶祝佢的情人節，乘機屈我請食飯，apm 等佢放工，然後一齊行去巧明街我哋一間幾鍾意嘅樓上西餐廳。簡單嘅裝修，但就有不同 lighting 嘅效果，每張枱都點上真蠟燭🌹為咗增添浪慢氣氛，我地點左梨味果酒唔可以空肚食晚餐，所以嘆番個小食先，而家周圍都興慢煮，泰國汁酸酸辣辣好開胃，醉鮑魚有少少酒味，原只鮑魚夠彈牙啊店長可能見我地選擇困難症發作，主動過嚟介紹一啲 off menu 推介。我哋一於試吓慢煮牛肋骨。果然冇介紹錯，牛肉鮮味到不得了。最終我哋都決定了 Set dinner。最先上的沙律真係靚到不得了，份量足之餘仲有好多新鮮生果，仲有大蝦，唔講差啲以為係主菜添啊！Daily soup 一啲都唔馬虎，香甜的南瓜湯。主菜是一個很特別的鹿兒島有骨黑豚豬鞍，鮮嫩可口，尤其是唔會太肥又唔會太瘦，咬落去先至有口感。好喜歡他伴有楓糖芥末籽，甜甜地又辣辣地，好有口感的青蘋果茸應記一功。最有驚喜的還是跟 set 的甜品, 花畫得好靚，芒果蛋糕絕對 yummy, 充滿春天氣息整體感覺幾好，食物質素高，最緊要係價錢合理。