Initial Ice Cream Store (已結業)

之前見到食評有女人味眼淚雪榚，好似好特別！粉藍色好靚，加上黑色雪榚筒，好特別！收工就約埋同事一齊去試食新款雪榚！去到門口已經出現人龍， 其實係雪榚在店面門口位置，玻璃圍起，白色為主，好企理乾淨！雪榚櫃台內只有一個女店員，大家慢慢排隊！等了大約5分鐘！就到我們了！但今日無眼淚味，又無黑色雪榚筒，只有膠杯裝 今日有薑味（男人）及奶茶（女人），我同同事選各一款，佢嗰款黑色好吸睛，超特別！但我們一食就後悔，薑味超重，好辣，又無甜味中和，辣到苦！男人果然要食得苦中苦！ 同埋有心理準備會食到成棚牙同咀唇都黑色， 仲要抹唔甩！女人奶茶就香而不滑，好香奶茶味，口感似沙冰，唔重奶味，味道我like!一塊大馬卡龍，上面有個女人側面（我無試男人）咬落煙韌，微甜，我係第一次覺得馬卡龍好食，之前試過嘅都太甜！今次令我對馬卡龍改觀！店員小姐好小心，因為得佢一個，佢戴有手套的一隻手唔會掂錢，所以找贖比較慢，不過無所謂，見佢好禮貌、好專注！而當我知道無眼淚食時！話我哋唔需要咁多眼淚！佢都即刻笑！