今次唔係食壽司，而係食串燒
呢度佈置得好有日本居酒屋feel，以日式木屋為主題
天花板仲有好多櫻花裝飾、日本紙傘、海報咁
座位都好舒服
我叫左串燒必備嘅雞腎同埋牛舌，都係水準之上
仲有唔少特色串燒，例如葡萄豚肉串、煙肉茘枝卷
我都揀左煙肉蠔卷，估唔到咁夾！！好香好濃
鵝肝什菌石鍋飯，有大大塊鵝肝，又香又滑
配埋雜菌，仲有d蟹籽，買相滿分！
辣酒煮蜆蜆隻隻新鮮， 充滿酒香而且辣得好正，好刺激！
甲羅燒真係必食推介！
蟹膏蟹肉非常香濃， 成個口都充滿住蟹嘅香味，非常過癮
搽匀香脆嘅多士食，口感好豐富！
喜歡食蟹唔可以錯過！
呢度唔算好嘈雜，食d串燒，同朋友傾計真係一流！
