夜首爾

營業中

休息中

唔知係咪最近煲得韓劇多，總係好想去食韓國菜，所以今次就搵咗呢間夜首爾。入到餐廳啲裝修好有韓國地道感覺，面積都唔細有兩層。調味牛肋骨🥩店員會先煎過外皮，再切成一粒粒，我燒咗一陣半生熟咁食，牛肉肉質十分嫩，調味醬恰到好處又唔會遮蓋牛味👍🏻調味牛小排同樣好味，而且牛小排脂肪較多，食落更juicy。🐖厚切五花腩！韓燒必不可少嘅一樣！五花腩一層肥一層瘦夾住，燒得香脆並且充滿油脂，好好味。但豬梅花肉就一般般，可能唔太肥，所以食落有啲鞋，又無咩味。另外仲叫咗海鮮煎餅，煎得十分香脆，海鮮又足料沾上醬汁一齊食好正。成日睇韓劇都見佢地食完燒肉會叫返碗水冷麵食，我地又學下😂，最後叫咗碗水冷麵。一開始食覺得唔係好夠味，問店員拎咗啲醋，加咗醋𣊬間提升咗碗麵。全晚一路飲燒啤食燒肉一路傾計感覺好正，但可惜係餐廳嘅抽油煙系統有啲差😟，甚至有啲懷疑係無抽油煙嘅設備，成餐飯都覺得油煙味極重抽唔走。