大圍小館

營業中

休息中

試一試由前米芝蓮主廚製作的「第一叉」。我和網友抽中試食「大圍小廚」的第一叉，由前米芝蓮主廚製作的叉燒，所以就用換領券去換領試食裝，每人有半份，份量都算幾多，我今次都是幫網友領取埋，外賣返屋企。首先地點真的很方便，大圍火車站2、3分鐘就到店了，去到見到其實係一間中式酒樓，店內都差不多坐滿人，即是食物應該都有返咁上下質素先會有咁多人仲係疫情期間來幫襯啦。雖然只是外賣4份叉燒走，但都是和其他食客一樣要輪住等，都等左一陣，可能都是等左大概8-10分鐘左右，見廚師拎住4份外賣叉燒出來找樓面的店員幫手，店員都好有禮貌咁問我想分4個袋裝定係一袋裝2盒，我就叫佢分2個袋裝。每份都是用外賣的透明飯盒住，個外賣袋又剛好裝晒2盒，個尺寸真係好fit! 拎到叉燒當時係熱的，但我們打算到晚上食飯時先享用，所以放涼晒。每份叉燒都色澤好靚，放涼之後色澤依然咁靚，燶位唔多，而且大部分都是瘦叉燒!只是偶然有1、2塊肥少少，而且仲係厚切的叉燒，一塊的厚度約等於一般2塊的叉燒咁厚，食落淡淡肉好滋味! 而且味道適中，不會好咸，就咁空口食都可以! 有質素的叉燒真係好食啲!