Ocio (東港城) (已結業)

⭐️Ocio(坑口）⭐️姨姨因為疫情嘅關係，所以冇得返工。今日就有閑情逸致同我食呢間坑口新開嘅餐廳，Ocio 既午餐。本身想等下午茶，但係3 點先開始，所以就決定叫比較貴嘅午餐。價錢中等70至$100人均消費。午餐嘅選擇唔算太多，大約有10項左右。____________⭐️早晨全餐（$98）⭐️呢度嘅全日早餐材料豐富，味道唔錯，啲蛋好滑好香，有濃濃的牛奶味，腸仔係芝心腸，似係Jxxx嗰隻牌子。特別嘅係， 用咗窩夫代替麵包，個蜂蜜係玫瑰味。美中不足嘅係，窩夫唔夠脆同熱，而雞扒好韌，而且冇乜調味。——————⭐️串燒牛柳粒燒汁蘆筍意大利飯⭐️個名好長睇落好巴閉嘅菜式，實際上我認為中規中矩。飯粒綿綿，口感濕潤，串燒牛柳粒有香烤的味道， 惹味十足。而且牛肉煮得嫩滑，算是罕有。 但當中食唔出有蘆筍，反而係有啲似蔥既物體。味道比較淡，需要多加鹽作調味。——————⭐️焦糖咖啡（單叫$45）⭐️喺呢度無論飲啲咩，質感都係好稀，湯、奶茶甚至呢杯焦糖咖啡都比較水。味道比較淡，但勝在幾大杯，拉花拉得幾靚。———————⭐️紐約芝士蛋糕（套餐加$19）⭐️午市套餐+$19可以加一件是日蛋糕，呢款紐約芝士蛋糕簡直令我心花怒放。