金田壽司刺身店 (已結業)

早前發現呢間日本餐廳,就諗住試下~一去到勁多人等位,足足等左一個鐘!眼見d又係好逼,坐得好辛苦,而且得2個侍應做野,唔係咁慢就奇啦~根本都唔夠人手!1.三文魚刺身(8片) 都算新鮮,幾厚!有咬口~2.花之戀又係好大舊!唔錯~3.泡菜三文魚石頭飯+套餐我最愛既石頭飯~但嫌佢既汁好杰搞到d飯一pat野咁!但都好夠熱,味道就一般!但就係元朗唔係好多間日本餐廳有得食~因為可以加$10轉套餐(有前菜,湯,白飯,甜品)見幾多野就試下~前菜係凍豆腐,好求其既盒裝豆腐切出黎,超細塊有汁都冇味!湯有用左蝦頭煮(因為見佢附送一個?!)味道都係咸左d~白飯可以撈埋d石飯入面~變相加大左!甜品係士多啤梨奶凍一啖一粒,味道一般!但等左好耐先有...4.蟹籽沙律普通~都係青瓜絲+蟹柳+蟹籽5.炸蝦反卷好大舊飯包住,隻炸蝦就好細,炸粉又多!完全唔得~6.劍魚長壽司得個長字~好鬼薄!7.火山壽司?(唔係好記個名)有幾款刺個既一個壽司!有甜蝦,海膽....好豐富~8.北寄貝壽司塊北寄貝都好大塊!抵食!總括等左一粒鐘,就食左半粒鐘!上菜都幾快,但人手唔夠就冇人加水,叫左都等耐先有!而且張好細!