禮 (天光道) (已結業)

自己向來都好鐘意食日式料理，最近留意到呢間日式餐廳係疫情下開分店，相信環境同食物質素都要有番咁上下先可以係香港立足。今日就去咗土瓜灣新開既分店，分店裝修都係以簡約為主，木傢俬配上柔和既燈光，感覺舒適，叫咗六貫手握壽司配白素冷麵餐。日式蒸蛋 : 口感又滑又軟熟，雖然細細碗但好足料，有嗚門卷、蝦、雞肉、蟹肉等。白素冷麵 : 套餐有烏冬同冷麵兩款揀，自己鐘意食冷麵多啲，雖然只係碗冷麵，但都好用心製作 👍🏻 冷麵口感爽口夠煙韌，個湯好鬼好味又夠凍，食落超級透心涼 🥰 而且重帶點陣陣芝麻香味，估唔到冷麵都可以做到咁高水準。味噌湯 : 可能用杯裝既關係，似杯茶多啲 😂 味道比其他地方出色，往往既味噌湯唔係好咸就係好濃味，不過呢度既味噌湯，飲落順口之剩帶點甘甜，感覺幾特別下，而且杯底重有蜆肉同豆腐。有漬物、沙律、水果、壽司 ; 牛舌份量幾多，口感軟嫩，味道酸酸甜甜，十分醒胃。壽司肥美肉厚，而且充滿光澤，十分新鮮。