影片
更多
2020-12-07
332 瀏覽
港島西區向來有好多特色小店, 小妹襯今日放假就去左上環嘅HAPi, 順便係附近嘅小店行下, 行過見到E間係斜路嘅囍八方好搶眼, 門面怖置幾特別, 灰色牆身配俐落嘅鮮紅線條, 走中式潮流風格! 上前望一望👀個餐牌原來係主打食手工水餃🥟, 仲有其他飯類同麵食, 價格又唔貴, 於是小妹同朋友就決定入去試下! 熱烏龍茶☕（左）樽仔奶茶🍼☕（右）自家製樽仔奶茶嘅茶底係由老闆親自挑選幾款茶葉混合而成, 飲落茶味突出, 奶味極濃, 口感細緻幼滑, 茶同奶嘅比例剛剛好, 甜度亦唔高, 極度推介!上海米醋➕秘製菜脯上海米醋主要用大米同高粱發酵酿造而成, 單食米香重, 醋味較濃! 菜脯質感油潤亮澤, 兩者混合之後先食到甜味帶微微嘅米香, 米醋嘅酸度減半, 之後辣味隨即慢慢釋出, 係口腔迴盪, 推介! 骨膠鮮魚湯西洋菜豬肉餃🥬🐖🥟骨膠湯湯汁呈奶白色無味精, 手工西洋菜餃形狀飽滿皮薄餡多, 西洋菜味道濃郁鮮甜!煎粟米香菇鮮豬肉餃🌽🍄🐖🥟由於碟面放有吸油紙所以食落唔油膩, 外層煎得幾香脆, 豬肉鮮味多汁, 粟米爽甜, 冬菇切得好薄唔似出面嘅一粒粒咁, 所以餃子食到菇味但又唔會完全搶哂整個餡料嘅鮮味, 幾有驚喜😯
熱烏龍茶☕（左）
樽仔奶茶🍼☕（右）
自家製樽仔奶茶嘅茶底係由老闆親自挑選幾款茶葉混合而成, 飲落茶味突出, 奶味極濃, 口感細緻幼滑, 茶同奶嘅比例剛剛好, 甜度亦唔高, 極度推介!
上海米醋➕秘製菜脯
上海米醋主要用大米同高粱發酵酿造而成, 單食米香重, 醋味較濃! 菜脯質感油潤亮澤, 兩者混合之後先食到甜味帶微微嘅米香, 米醋嘅酸度減半, 之後辣味隨即慢慢釋出, 係口腔迴盪, 推介!
骨膠鮮魚湯西洋菜豬肉餃🥬🐖🥟
骨膠湯湯汁呈奶白色無味精, 手工西洋菜餃形狀飽滿皮薄餡多, 西洋菜味道濃郁鮮甜!
煎粟米香菇鮮豬肉餃🌽🍄🐖🥟
由於碟面放有吸油紙所以食落唔油膩, 外層煎得幾香脆, 豬肉鮮味多汁, 粟米爽甜, 冬菇切得好薄唔似出面嘅一粒粒咁, 所以餃子食到菇味但又唔會完全搶哂整個餡料嘅鮮味, 幾有驚喜😯😋!
蟲草花鴨腿湯飯
天氣凍就緊係要飲d滋補湯水滋潤滋潤下! 湯飯份量大, 仲會配埋一碟菜🥬! 湯汁清甜無味精, 入面有鴨腿, 蟲華花, 馬蹄, 紅蘿蔔, 紅棗等材料, 鴨腿肉質鮮嫩, 一咬骨肉分離, 好正! 馬蹄同紅蘿蔔都非常甜而且口感軟腍吸湯, 將白飯倒埋落去, 飯粒吸哂d湯, 口感軟綿, 極度推介😋👍🏻
張貼
