Cafe Whale

咁大個女真係第一次食用白鱔嚟做嘅炸魚薯條，佢個炸粉漿好薄，所以一啖咬落去嘅時候唔會食到成口粉，而相對地入面嘅白鱔肉味道就更加出，食嘅時候有一種魚油喺口腔入面爆發嘅感覺，始終白鱔係真係比較多魚油嘅。佢個口感非常好，脆得來白鱔嘅肉又非常有彈性，另外佢嗰個特別為炸白鱔條配嘅蒜乾豆豉醬亦都係非常出色，豆豉味唔會太搶，所以食嘅時候又食到豆豉味又食到白鱔嘅鮮味。仲有要讚一讚佢啲薯條同埋沙律伴菜都非常新鮮，薯條應該係新鮮炸嘅，沙律菜亦都係好fresh好有水份。