相馬日式火鍋 (已結業)

相馬有火鍋放題，晚市食足2個鐘，可以話咩都有得食，超正！呢度任食肉類都係正常既牛，豬，雞呢啲，我特別中意食呢度既優質豚肉🐖豚肉肉質好好，好嫩，豬又唔會有豬騷味，好新鮮，亦都唔會太肥。呢度嘅任食海鮮先至過分，有好多唔同款，全部係新鮮！即日先知係咩款式，有沙甲，花甲，鮮蝦，花螺，青口呢啲🦀🦐🦑🐟🐙我勁鍾意食呢度嘅花甲，真係好大隻，又無沙，真係好新鮮好好味！打邊爐最主要嘅湯底呢到都做得好好，豚骨湯好香，奶白色，好濃味；中華辣湯都夠晒辣，好惹味！