光明大地 (已結業)

今日放工，去咗葵廣嘅頂層，依間涼茶舖。唔好以為涼茶舖一定好out!🤪依間涼茶舖裝修到好似行文青路線，唔似舊時嘅涼茶舖放咗啲大碗同埋有個牌放喺碗隔離，寫住個涼茶名。🌞🌞.依間手工涼茶主要賣涼茶同花茶為主，同樣會賣啲獨立包裝嘅手工花茶包。每包大約10幾蚊到，我試過買過幾次，啲手工花茶包好足料，👍🏻一包花茶包可以反覆沖水5-6次，啲花茶味都唔會因為沖得多水而淡。🌸🌼.講番涼茶先，叫咗杯紫無花果羅漢果果茶（無糖）$26。（功效：化痰止咳丶喉嚨沙聲等）。因為我有幾聲咳，所以買咗依杯。但因為即叫即整，所以等左5-10分鐘。.杯涼茶都幾暖，飲落去有羅漢果嘅甘香，啲果茶甜甜地。加上，無花果粒粒都幾多，除咗飲，仲有無花果食。而羅漢果同無花果又幾夾，令杯果茶更加甘甜。