影片
更多
2018-12-22
287 瀏覽
鐘情於日本既我，真係好鐘意食Omakase，人生既其中一個目標，就係要食勻香港所有有提供Omakase既餐廳；但係呢個目標變得越黎越難實現，因為香港既餐廳真係好多，而有提供Omakase既餐廳，亦都越黎越多。雖然Omakase既價錢真係唔平，隨隨便便都要索價千元以上，但正所謂一分錢，一分貨，每次食Omakase都會有一個難忘既體驗，辛苦搵錢志在食，就係我既格言。呢日，又黎佐銅鑼灣，自我獎勵一番啦。呢間餐廳個名都真係幾特別，名為「鮨㐂」，這個「㐂」字比較特別，本著有邊讀邊既原理，我會讀作「七」。但求知慾很高既我，亦都有上網查過，原來這個是日語漢字，應讀作「xǐ」，係「喜」既意思。餐廳裝潢走簡約日本風，給人一種很舒服，很乾淨既感覺。話明餐廳主打係Omakase，所以餐廳清一色以Bar枱的設計，讓客人和師傅們可以有近距離的交流，加強互動。Omakase，就是由師傅決定，以每日最新鮮，最當造既食材，去為客人呈獻最優質既料理。雖然係廚師發辦，所有食物都係廚師安排既，但係其實都係有得選擇既，可以因應我地想食既份量，揀選唔同既餐，由最平既 $1280，到最貴既 $1980 不等。而最後，我地就揀選佐
但係呢個目標變得越黎越難實現，因為香港既餐廳真係好多，而有提供Omakase既餐廳，亦都越黎越多。
雖然Omakase既價錢真係唔平，隨隨便便都要索價千元以上，
但正所謂一分錢，一分貨，每次食Omakase都會有一個難忘既體驗，
辛苦搵錢志在食，就係我既格言。
呢日，又黎佐銅鑼灣，自我獎勵一番啦。
呢間餐廳個名都真係幾特別，名為「鮨㐂」，這個「㐂」字比較特別，本著有邊讀邊既原理，我會讀作「七」。
但求知慾很高既我，亦都有上網查過，原來這個是日語漢字，應讀作「xǐ」，係「喜」既意思。
餐廳裝潢走簡約日本風，給人一種很舒服，很乾淨既感覺。
話明餐廳主打係Omakase，所以餐廳清一色以Bar枱的設計，讓客人和師傅們可以有近距離的交流，加強互動。
Omakase，就是由師傅決定，以每日最新鮮，最當造既食材，去為客人呈獻最優質既料理。
雖然係廚師發辦，所有食物都係廚師安排既，但係其實都係有得選擇既，可以因應我地想食既份量，揀選唔同既餐，由最平既 $1280，到最貴既 $1980 不等。
而最後，我地就揀選佐中價位既 $1580。
廚師發辦 – 醍 $1580
枱上有濕毛巾，可以先潔淨雙手，才開始用餐。
3品前菜
首先來到的，是三品前菜，用上一隻很精緻的碟子盛載，並加上了一些草葉作為點綴。
三款分吃是 蕃薯配上柚子皮，上面放有金萡，更顯貴氣；海膽蒸蛋，蛋做得很滑身，蛋味唔算係很濃，可能係因為海膽既鮮甜把它完美蓋過了；鴨胸，夾上芋瓜，口感更有層次感。
吃完了前菜，廚師便為我們迎來了小食，有沖繩特產既海葡萄，同埋海帶，其中海帶係會不斷為我們添加的。
酒肴6品 (刺身)
接下來，有刺身6款，雖然每一款的份量也不是很大，但廚師每一款也很用心的為我們製作，由用刀，到上碟，也可見他的用心。
首先來到的包括了 右口魚加魚肝，因為加入了魚肝，令到整個菜式味道更濃，而魚肝滑滑地既口感亦令層次感加分；另一款是海參卵巢，呢個比較特別，聽落其實有點怪怪的，但其實實落都還可以，有少少爽口感，話哂未試過，點都值得一試；最後係燒蠔，熟度剛剛好，蠔味夠濃。
再來是帆立貝三食，就是用帆立貝的三個部份去做成刺身，包括了貝柱，裙邊，和帆立貝既主體，配上冰菜，平時帆立貝喺其他餐廳都會試得到，但係將佢分成三個部位再一齊present真係比較少見到。
然後見到廚師拿出一大板既海膽就知道好戲在後頭了。
御料理
今次既海膽就配上了三文魚子，三文魚子自己醃過，旁邊放有津菜增加口感，海膽夠哂新鮮，食落帶著濃濃既鮮甜感，令人感覺幸福。
再來有鮮鮑魚刺身，今次廚師特別配上鮑魚肝醬，令到整個菜式味道更濃更突出，鮑魚有彈口感，好好味。
吃過鮑魚後，廚師特別再為我地加添醋飯，等我地可以mix埋魚肝醬一齊食，唔會浪費了餘下既魚肝醬。
然後有沙甸魚配wasabi汁，和池魚。
池魚上面曬有芝麻，更香口，唔駛任何既醬料就咁食，好爽口，好鮮甜；旁邊有炸菜漬，可以清一清味蕾。
之後來到既炙燒鏗魚，配上了蒜片，更有口感，而鏗魚上有黃芥辣，都幾得意，鏗魚燒炙了表層，逼出魚油既香味，食落更香更甜。
旁邊出世20日既蘿蔔仔，食落好爽，多汁。
然後廚師為我們加上了子薑，可以清一清味蕾。
這個賣相精緻既係香雙蟹，亦即係日本松葉蟹，蟹蓋上面有蟹子、 蟹棒和 蟹膏，三種唔同既部位，有三種口感，旁邊加上了蟹既出世紙，證明係由產地直接送到餐廳，可說是質素的一種肯定。
然後店員為我們奉上了熱毛巾，進入壽司我環節，讓我們可以用手直接享用。
廚師發辦壽司七件
石垣貝壽司
石垣貝超新鮮，師傅表演「達生魚」，目到石垣貝被師傅「達」完就即刻收縮，可見真係夠哂新鮮，而收縮後既口感就更加彈牙，更加好味。
金目鯛壽司
肉質比較滑身，魚味都幾出，魚皮經過炙燒，食落超多魚油，入日即溶，油脂豐盈，帶有鮮甜味。
剝皮魚壽司
裡面加入佢既魚肝，多一份口感，魚肝超級濃味，加入岩鹽，好好味。
絲魚壽司
即係野生油甘魚，魚質比較挺身，咬落好實在，魚味香濃。
赤陸壽司
炙燒過表層，係一款白身魚，食落非常肥美，魚油很豐盈。
毛蟹海膽壽司
海膽非常鮮甜，第一次配毛蟹一齊食，感覺特別，幸福感再現。
天然大拖羅壽司
野生既拖羅，師傅特別用三塊比較薄身既大拖羅，因為天然野生比較多根，3塊薄既食會容易進食，師傅話餐廳特別只選用拖羅既魚鮫部分，係最靚，最貴既，因為野生既拖羅比較難搵到，佢既價錢會比養殖既拖羅貴3-4倍。
湯
雞湯底，海參，蟹肉真醬（蟹肉魚肉一齊打成既蟹魚蓉），生紫菜，食落都幾得意，而個湯底就比較清，唔會蓋過蟹既鮮味。
用餐其間，店員不斷為我們加茶和換上熱茶，前後大約換了3款全新的熱茶，那份招待真係唔講得笑。
甜品
而最後既甜品係煎茶布甸，煎茶味都幾濃，唔會太甜，布甸做得好滑，好好味。
喺香港都試過好多間唔同既Omakase，而呢間餐廳既特別之處在於佢地加入了很多廚師既idea，去製作很多款新穎既款式，一種魚多種食法呀，蟹又可以用另一個角度去present呀，所以野都係可以用一個「心」未去總括。
而且佢地既食材夠哂新鮮，絕對係我喺香港食過既Omakase中既三甲之選。
張貼
